အတိတ်ဘ၀နှင့် အတိတ်အလွမ်း

Friday, July 16, 2010

ညီညွတ်ပါလီလေးဝတီ
*
ထွန်းကားခလီ ၊ ရခိုင်မြီ၌
နီထိုင်လုပ်သား ၊ ရခိုင်သားရို့ 
ကြိုးစားပါလီ ၊ ညီညွတ်စီ။
လေးဝတီကား ၊ ရခိုင်အားလေ
ခွဲခြားစိတ်များ ၊ အ၀ီးထားပြီး
သွီးသားစိတ်ဝင် ၊ ညီကိုပင်ဟု
ရင်ထဲမှတ်ထား ၊ ကြိုးစားကတ်။

*စည်းကမ်းလိုက်နာ ၊ ဖီ ( ဘေး ) ကင်းကွာ
ရင်မှာချမ်းမြီ ( မြေ့ ) ၊ ကြည့်ပါဘိလေ
ရှိကလက်ရာ ၊ ဗိသုကာနန့် 
စာပီယဉ်ကျေးမှု ၊ အစုစုနန့် 
အနုပညာ ၊ အလင်္ကာ ။
ချစ်မြတ်နိုးရာ ၊ ရခိုင်မှာကား
စဉ်လာထိန်းသိမ်း ၊ ရင်၌ကိန်း၍
အီးငြိမ်းလီစွ ၊ မြတ်ဗုဒ္ဓ၏
သာသနာ့အမွီ ၊ မွီသရီတိ
ဇာတီကျောက်ဆစ် ၊ ဓါတ်တော်စစ်နန့် 
ဖြစ်တော်များလီ ၊ ရခိုင်မြီ ။

*သစ်ပင်ရိပ်ထီး ၊ ရင်မှာအီ၍
ကျီးငှက်အပေါင်း ၊ နားခိုအောင်းကေ
ရိပ်ကောင်းဆာယာ ၊ ရခိုင်မှာ ။
စာပီသမား ၊ ထွန်းပွားပါယင့်
လာပါရှုပါ ၊ ဖိတ်ခေါ်ပါယင့် ။

*ရခိုင်မြီဖွား ၊ ရခိုင်သားရို့ 
သွီသားတူညီ ၊ ညီညွတ်လီကတ်
ခြီလက်တွဲယှက် ၊ အားချင်းဆက်ကာ
ရကောင်းရလီ ၊ လေးဝတီ ။
ညီညွတ်ကြလီ ၊ သာစွမြီ ။။။

*မောင်ဘုန်းရှင် ( ကစ္ဆပ )

Monday, May 17, 2010

အပူချိုးမင်း .. ဖဲကူခြင်းလော
နေမင်းရေသောက် .. ရောင်ခြည်ပျောက်လည်း
တွေးကြောက်မည်တော့ မဟုတ်ပါ ။
*
ကိုရွှေဖားပျို .. တေးမဆိုထင့်
တိမ်ညိုမလာ .. မိုးမရွာလည်း
ရင်နာမည်တော့ မဟုတ်ပါ ။
*
နန်းထိုင်သဇင် .. လွမ်းရိပ်ဆင်ဖို့ 
ငွေမျှင်ပုလဲ .. အလာကြဲလည်း
ဝမ်းနဲ ( နည်း ) မည်တော့ မဟုတ်ပါ ။
*
နွေမိုးဆောင်းမည် .. လရာသီတို့ 
အကြိမ်ကြိမ်ဖေါက် .. အစွမ်းပျောက်လည်း
မကြောက်သတ္တိ .. “ အစဉ် ” ရှိလျှက်
အမိမြေမှ .. ရုန်းကန်ထ
ရွက်ကျပင်က .. တရားပြ
လူးသားလောက .. မြင်ပါကြ
လောကတာဝန် .. ကျေပြွန်စွ
သဘာဝရဲ့  သူ့ အလှ..။။။
*
ထွန်းရမ္မာထွန်း ( ဘ၀တက္ကသီလာ )

Sunday, December 27, 2009

ကျီးကန်းတစု၊ ညီညွတ်မှုဖြင့်
သူ့ မျိုးသူ့ ဆွေ၊ ထိပါးလေက
ကြေညာစစ်ဆင်း၊ နှုတ်သီး ပြင်းနှင့်
အတင်းထိုးဆိတ်တတ်သော်လည်း...။
*
တကောင်ကျီးမဲ၊ ပတ်ချာဝဲပျံ
ရဲဝံ့စွန့် စား၊ ရှာဖွေသွား၍
" သားတစ် " တခု၊ ရခဲ့မှုတွင်
လုယက်အားလုံး၊ တ၀ုန်းဝုန်းနှင့်
စုရုံးဝိုင်းဆိတ်၊ သွေးမတိတ်ပြီ
မိတ်ဆွေစာရင်း ပယ်ကြ၏...။
*
ဤကျီးဇတ်သို့ 
ပြတ်သားရဲရင့်၊ အားမာန်ဖွင့်ကာ
ချင့်ဆဥာဏ်ရည်၊ လုံ့ လတည်သည့်
သာကီနွယ်ပွား၊ လူစွန့် စားလျှင်
မိုးဖျားတမွတ်၊ အောင်ပန်းဆွတ်သော်.......။
*
ဝန်းကျင်တခို၊ အမျက်သို၍
မလိုဆိုးညစ်၊ ဒုက္ခဖြစ်အောင်
မစ္ဆရိယ၊ ဓါးလွှလွှဖြင့်
မွမွစိတ်လှီး၊ ၀ိုင်းဖျက်ဆီးသည်
ကျီးလူများစွာ ရှိကြတကား.....။။။
*******
မောင်မောင်လှချစ် ( တောင်ကုတ် )

Saturday, December 5, 2009

*
ကြည့်လိုက်ပါလား … အမျိုးသားရို့ 
ကြိုးစားအားမာန် … ဇွဲစိတ်မာန်နန့် 
မကန်လှုပ်လှုပ်၍ … ပုရွက်အုပ်တိ
ဆန်စိကိုထမ်း … လက်ဆင့်ကမ်းဗျာ
ဝမ်းစာရေးလုံး … တစည်းတရုံး … တန်းမဆုံးထော….။
*
စီတန်းမပြတ် … ရှုပ်ယှက်ခတ်လို့ 
မကပ်မပျင်း … ရိုင်းပင်းစုဆောင်း
အစားကောင်းတိ … တွင်းခေါင်းထဲမှာ
ဝမ်းစာကျီသိပ် … စိတ်အီချမ်းသာ … အားကျစရာ…။
*
သူရို့ တိမှာ……၊
သဘာဝဒဏ် … လောကဒဏ်လှိုင်း
ငြိုးမာန်ရိုင်းစွာ … နှောင့်ယှက်လာလဲ
ဇာမှမယွင်း … မြီးတွင်းထဲမှာ
အီးချမ်းယင်းယာ … ပြည့်ဝမ်းစာနှင့်
သေချာလုံခြုံ … သုခဘုံပင်…။
*
အချိန်လေးစား
လုပ်အားမြတ်နိုး
အကျိုးပေါင်းဖက်
ပိုးပုရွက်စိ … မိသားစိတ်ဓါတ် … ဇွဲစ်ိတ်ဓါတ်ကို
တုယူကတ်ပါ … အားထုတ်ပါလား..။
*
လူမှုရေးလား … စီးပွားရေးလား…
နိုင်ငံရေးလား … အမျိုးသားရေးလား…
အရေးများစွာ … မျက်နှာမဖုံး
မျက်လုံးမမှိတ် … မြင့်မြတ်စိတ်ဖြင့်
ပုရွက်စိပိုင် … လက်ဆက်ကိုင်ဆုပ်
စိုင်မဖြုတ်လျှောက် … လုပ်အားမြောက်ယောင်
တစ်ယောက်တစ်ထမ်း … ကိုယ်စီထမ်းကတ်
တယောက်တလှမ်း … ကိုယ်စီလှမ်းကတ်..။
*
အောင်ပွဲပန်းတိုင် … လှမ်းကိုင်နိုင်ဖို့ 
ရခိုင်သားရို့ … အမျိုးသားရို့ …
နိုးကြား … နိုးကြား ၊ ကြိုးစား … ကြိုးစား
ထလား … ထလား ၊ လှုပ်ရှား … လှုပ်ရှား
မရပ်မနား … အားထုတ်ကတ်လီ … လုပ်ကတ်လီ…။။
*********
နီရိုင်းနီ ( တောင်ရမ်းကျွန်း )...


Monday, November 30, 2009

*
အတိတ်က ရွှေထီးဆောင်း ငွေထီးဆောင်း
မင်းထီး မင်းဘာ ဝေသာလီ သျှစ်သောင်း
ပင်းဝါချီစစ်ကြောင်း ဘင်းဂါချီစစ်ကြောင်း
သောက်ခါ မပြောကောင်း
ပြောခါ မသောက်ကောင်း။
*
ဒေးဝန်းကြီးအကြောင်း သျှင်ဥတ္တမအကြောင်း
ဦးရွှေဇံအောင်အကြောင်း ဦးရဲကျော်သူအကြောင်း
အမျိုးဘာသာ သာသနာ မေသေမေ၀ါ
သောက်ခါ မပြောကောင်း
ပြောခါ မသောက်ကောင်း။
*
ငါ့လိုင်ခြောင်း မင်းလိုင်ခြောင်း
တသီဖြည့်လို့  မပြည့်ရေ လှိုဏ်ခေါင်း
စကားအကောင်းနန့်  တန်လား မတန်လားမသိ
ဝိုင်းမိဂတ်ပျယ်ဆို သာလို့ ခြီ
ချောင်းကျ မြောင်းကျပေါင်းကလေ့ မနည်းပါလီ။
*
သမိုင်းစာအုပ်ထဲက မင်းထီ မင်းဘာ ဒေနိန့် မှာ
ရှင်ပြီး နိုးထလာကေ
ရင်ကြီးကျိုးကျပါမေ
ငါ့ယောင်လည်းကောင်း မင်းယောင်လည်းကောင်း
ယမကာနံ့ တထောင်းထောင်း
လပျင်း ငဖျင်း ချငြင်းသန်အပေါင်းရို့ ကို
သကျွတ် ပကျွတ် ပရွက် နရွက်
ထထွက်ကြီးလားအောင်
' ထည့် ' ပလိုက်မေလား မဆိုနိုင်
' စေ့ ' ပလိုက်မေလား မဆိုနိုင်။
*
ယကေလေ့ တဆေ
အေကဗျာကိုတော့ ... သောက်ခါလေ့ ဖတ်ကောင်း
မသောက်ခါလေ့ ရွက်ကောင်းပါယင့်ဒေ....။။
*******
ရိုးမရင်သွီး

Saturday, October 31, 2009


" တ"စာရင်းစာတအုပ်နဲ့ ... အနုတ်ပုစ္ဆာတွေ နေ့ စဉ်တွက်
ကျေးလက်ကျောင်းဆရာ ... စေတနာလူမသိပေမယ့်
ဝေဒနာအပူတွေမိခဲ့ပေါ့...။
နေ့ စဉ်..................
မြင်နေကျမျက်နှာများ
ကျောင်းမှာမရှိ ချောင်းမှာရှိ
ရွာထဲမရှိ ယာထဲရှိ
တောင်မှာလည်းရှိ တောမှာရှိ
ကျောင်းမှာမရှိ ဆရာသိ...။
ဈေးဗန်းရွက်သူရွက်
လှော်တက်ကိုင်သူကိုင်
အိုင်ပက်သူပက်
ဟင်းရွက်ခူးသူခူး....
ဆရာလာလမ်း ... ဖြတ်မသန်းဝံ့
ဈေးဗန်းကိုင်ဆုပ် ... ငုတ်တုတ်ကလေး
ငေးနေသူတချို့ ...........................၊
ဖျံလိုက်သူလိုက်
ဖါးရိုက်သူရိုက်
စပါးစိုက်သူစိုက်
အငှားလိုက်သူလိုက်...။
မလွှဲရှောင်သာ ... ဆရာနဲ့ တိုး
ညှိုးငယ်အားနာစွာ ... မျက်လွှာငုံ့ ချ
လမ်းဘေးကတိမ်း ... ခပ်စိမ်းစိမ်းတချို့ ......၊
ငါးရောင်းသူရောင်း
နွားကျောင်းသူကျောင်း
စပါးထောင်းသူထောင်း
ကျောင်းရှေ့ ဖြတ်သန်း ... ခြေလှမ်းမသွက်
ကွက်ကြည့်ကွက်ကြည့် ... စိတ်၏နေရာ
ကျောင်းမှာကျန်ဆဲ ... ကြေကွဲဖွယ်တချို့ ......၊
တချို့ ......
တချို့ .....
ဆရာ့မှာ...
ကျွေးစရာမရှိ
ပြေးစရာမရှိ
မေးစရာမရှိ
တွေးစရာတွေသာ ( ရင်မှာ ) အပြည့်...၊
အမေတယ်မယ့်ထမင်းအိုး
ထင်းချောင်းလေးတချောင်း ချိုးထည့်ဖို့ 
ကြိုးစားနေကြသလား ... တပည့်တို့ ရယ်......။။။။
****
နောင်အေး ( အနောက် )


Back to TOP